The news is by your side.

Advertisement

روس نئی امریکی پابندیوں کا بھرپور جواب دے گا: روسی وزارت خارجہ

ماسکو: روس نے کہا ہے کہ وہ نئی امریکی پابندیوں کا بھرپور جواب دے گا۔

روسی میڈیا کے مطابق روسی وزارت خارجہ نے بدھ کو ایک بیان میں کہا ہے کہ روس نئی امریکی پابندیوں کا بھرپور جواب دے گا، دوسری طرف روس نے یوکرین سے سفارتی عملے کو بھی نکالنا شروع کر دیا ہے۔

روسی وزارت خارجہ نے کہا کہ اس میں کوئی شک نہیں ہونا چاہیے کہ پابندیوں پر سخت ردِ عمل سامنے آئے گا، یہ ضروری نہیں کہ رد عمل پابندیوں پر مبنی ہو، تاہم امریکی فریق کے لیے اچھی طرح سے نپا تُلا اور بہت حساس ہوگا۔

وزارت نے کہا کہ واشنگٹن نے "روس کی روش کو تبدیل کرنے” کے لیے پابندیوں کے نئے دور کا اعلان کیا ہے، لیکن روس نے ثابت کر دیا ہے کہ تمام تر پابندیوں کے کے باوجود وہ نقصان کو کم کرنے کی صلاحیت رکھتا ہے۔

روس کے کئی اداروں پر مالی پابندیاں لگا رہے ہیں، امریکی صدر کا اعلان

روس نے واضح کیا کہ پابندیوں کا دباؤ ہمارے مفادات کا مضبوطی سے دفاع کرنے کے ہمارے عزم کو متاثر نہیں کر سکتا۔

واضح رہے کہ منگل کے روز، بائیڈن نے روس کے خلاف پابندیوں کی ‘پہلی قسط’ کا اعلان کیا ہے، جس میں روس کو فنانسنگ سے محروم کرنے اور مالیاتی اداروں اور ملک کی ‘اشرافیہ’ کو نشانہ بنانے کے اقدامات شامل ہیں۔

Comments

یہ بھی پڑھیں