ماسکو: روس نے یوکرین کے ڈرون حملوں سے نمٹنے کے لیے مدار میں 100 سیٹلائٹ تعینات کرنے کا فیصلہ کیا ہے۔
غیر ملکی میڈیا رپورٹس کے مطابق یوکرین کی جانب سے مسلسل ڈرون حملوں کے بعد روس نے مدار میں سو سے زائد سیٹلائٹ تعینات کرنے کا فیصلہ کر لیا ہے۔
ماسکو نے اپنے خلائی منصوبے کے تحت بغیر پائلٹ کے فضائی نظام یو اے ایس (UAS) کے کنٹرول اور نگرانی کی صلاحیتوں کو بڑھانے کے لیے سیٹلائٹس خلا میں بھیجنے کا اعلان کیا ہے۔
منگل کو روس کاسموس کے سربراہ دیمتری بیکانوف نے کہا کہ مدار میں 102 اسپیس کرافٹ نصب کیے جائیں گے، تاکہ آئندہ ڈرون حملوں سے نمٹا جا سکے۔ یہ پیش رفت روس کے بڑھتے ہوئے خلائی عزائم کا حصہ ہے، جو نہ صرف دفاع بلکہ کمیونیکیشن اور ریموٹ مانیٹرنگ جیسے اہم شعبوں میں بھی استعمال کی جائے گی۔
اسپین نے اسرائیلی کمپنی کے ساتھ میزائل معاہدہ منسوخ کردیا
یہ قدم یوکرینی ڈرون حملوں کی ایک سیریز کے بعد سامنے آیا ہے، دشمن ڈرون روسی سرزمین کے اندر گہرائی میں پہنچ کر مہلک وار کر رہے ہیں، جس نے ماسکو کو پریشان کر دیا ہے، کیوں کہ اسٹریٹجک فوجی اثاثوں کو اس نے شدید نقصان پہنچایا ہے۔
دیمتری بیکانوف کے مطابق سیٹلائٹس میں اس اضافے سے دفاع، مواصلات اور دور کے علاقوں کی نگرانی بہتر ہو جائے گی۔ روسی حکام کے مطابق اس اقدام کا مقصد یوکرینی ڈرونز کی وجہ سے پیدا ہونے والے خطرے سے نمٹنا ہے، جس نے حال ہی میں روسی سرحدوں کے اندر 2500 میل تک فوجی ہوائی جہازوں کو نشانہ بنایا۔
