The news is by your side.

Advertisement

پاکستانی سفیر کا کیف میں پھنسے طلبہ کو اہم پیغام

کیف: پاکستان نے کیف پر راکٹ حملوں کے بعد سفارت خانے کو ٹرنوپل منتقل کرتے ہوئے پاکستانی شہریوں کو اہم پیغام بھی جاری کردیا ہے۔

سماجی رابطے کی ویب سائٹ ٹوئٹر پر یوکرین میں پاکستانی سفارت خانے کی جانب سے بیان جاری کیا گیا ہے، بیان میں کہا گیا کہ پاکستان سفارتخانہ دارالحکومت کیف سےٹرنوپل منتقل کردیا گیا ہے جو کہ آج سے مکمل فعال ہوجائے گا۔

یوکرین میں پاکستان کے سفیر نویل کھوکھر کا کہنا ہے کہ یوکرین سےنکلنےکےلیےتمام طلبا فوری ٹرنوپل پہنچیں، تعلیمی مشیر بھی طلبا کو ٹرنوپل پہنچائیں۔

ادھر یوکرین میں پھنسے پاکستانی شہری و طلبا کے لئے پاکستانی سفارت خانہ نے رابطہ نمبر فراہم کردئیے ہیں، شہری اور طلبا(0380636968264) ، (0380664944004)، (0380636965523)، (0380638282984) ان نمبرز پر رابطہ کرسکتے ہیں۔

اے آر وائی نیوز کے مطابق یوکرین میں پانچ سو طالب علموں سمیت ڈیڑھ ہزار پاکستانی شہری پھنسے ہوئے ہیں اور انہوں نے اپنی محفوظ واپسی کے لیے حکومت سے مدد مانگ لی ہے۔

پاکستانی سفیر جنرل نوئل کا کہنا ہے کہ تمام پاکستانی محفوظ اور رابطے میں ہیں۔

گذشتہ روز اے آر وائی نیوز سے خصوصی گفتگو کرتے ہوئے یوکرین میں پاکستانی سفیر کا کہنا تھا کہ یوکرین میں  مجموعی1500پاکستانی ہیں جن میں500طلبہ ہیں، تمام پاکستانیوں کومحفوظ جگہ پر منتقل ہونےکےلئےکہا ہے۔

نوئل کھوکھر کا کہنا تھا کہ ہمارےمشورےپربڑی تعدادمیں پاکستانی ملک چھوڑچکےہیں، یوکرین میں چند طلبہ باقی رہ گئےہیں انہیں بھی جلدنکال لیاجائیگا۔

Comments

یہ بھی پڑھیں