The news is by your side.

روس یوکرین کو صفحہ ہستی سے مٹانا چاہتا ہے، صدر زیلنسکی

کیف : یوکرین کے صدر ولادی میر زیلنسکی نے اپنے ایک بیان میں کہا ہے کہ روس یوکرین کے شہریوں کو تباہ کرنے اور انہیں صفحہ ہستی سے مٹانے کی کوشش کر رہا ہے۔

یوکرین کے دارالحکومت کیف سمیت ملک ک ےمختلف شہروں میں کیے جانے والے میزائل حملوں کے نتیجے میں درجنوں شہریوں کی ہلاکت پر ولادی میر زیلنسکی نے اپنے غم و غصے کا اظہار کیا۔

غیر ملکی خبر رساں ادارے نے یوکرین کے وزیر داخلہ کے بیان کے حوالے سے بتایا کہ وسطی کیف پر صبح تقریباً پونے نو بجے کیے جانے والے  حملوں کے نتیجے میں چھ کاروں میں آگ لگ گئی اور 15 سے زیادہ کاروں کو نقصان پہنچا۔

علاوہ ازیں غیرملکی خبر رساں ادارے روئٹرز کی رپورٹ کے مطابق روسی صدر ولادیمیر پوتن کا کہنا ہے کہ کریمیا پل پر دھماکہ دہشت گردی کی کارروائی ہے، پل پر حملے کے پیچھے یوکرین کی اسپیشل فورسز کا ہاتھ ہے۔

یوکرین نے ترک اسٹریم پائپ لائن کو بھی اڑانے کی کوشش کی ہے، اگر روس کے خلاف حملے جاری رہے تو مزید سخت جواب دیا جائے گا۔

عالمی خبر رساں ایجنسی اے ایف پی کے مطابق جرمنی نے کہا کہ جی سیون کے رہنما اور یوکرین کے صدر زیلنسکی کل ہنگامی بات چیت کریں گے تاکہ یوکرین پر تازہ ترین روسی حملوں پر تبادلہ خیال کیا جا سکے۔

اے ایف پی کے مطابق ماسکو نے کہا کہ آج یوکرین میں اپنی خصوصی فوجی کارروائی کے تحت اس کی افواج کے ذریعہ یوکرین میں کافی زیادہ میزائل حملہ کیا گیا تھا جبکہ یورپی یونین کا کہنا ہے کہ روس کا شہریوں کو نشانہ بنانا جنگی جرم کے مترادف ہے۔

Comments

یہ بھی پڑھیں