The news is by your side.

Advertisement

ترکی میں روسی سفیر کا قتل : 5 ملزمان کوعمر قید

استنبول : انقرہ کی ایک عدالت نے ترکی میں روسی سفیر آندرے کارلوف کے قتل کے الزام میں پانچ افراد کو عمر قید کی سزا سنادی۔

غیر ملکی خبر رساں ادارے کے مطابق عدالت نے صالح یلماز کو مجرم تسلیم کرلیا کیونکہ انہوں نے میلوت میرٹ الٹینتاس کو کارلوف کے قتل کا حکم دیا تھا۔

عدالت نے دلائل اور ثبوتوں کو مد نظر رکھتے ہوئے یلماز کو دو بارعمر قید کی سزا سنائی ہے۔ اس کے علاوہ ساہین سوگٹ کو بھی اسی نوعیت کی سزا سنائی گئی ہے۔

ترک میڈیا کے مطابق اس قتل میں ملوث ہونے پر عدالت کی جانب سے مزید تین ملزمان کو بھی عمر قید کی سزا سنائی گئی ہے۔

یاد رہے کہ آندرے کارلوف کو سال 2016 میں انقرہ میں ہونے والی تصویری نمائش کے موقع پر گفتگو کرتے ہوئے ایک آف ڈیوٹی پولیس اہلکار نے گولی مار کر ہلاک کردیا تھا۔ انقرہ پراسیکیوٹر کے دفتر نے ان ملزمان پر نومبر 2018میں فرد جرم عائد کی تھی۔

Comments

یہ بھی پڑھیں