اسلام آباد : روسی سفیر ڈینیلا گانِس کا کہنا ہے کہ عمران خان کا روسی دورے پر امریکا کو انکار ان کی حکومت جانے کی ایک وجہ ہے۔
تفصیلات کے مطابق روسی سفیر ڈینیلا گانِس نے نجی چینل کوانٹرویو دیتے ہوئے کہا کہ عمران خان کو دورہ روس ختم کرنے کے لیے کہا گیا تو انہوں نے انکار کرکے امریکا کو نارض کیا۔
روسی سفیر کا کہنا تھا کہ عمران خان نے انکار کرکے جرات کامظاہرہ کیا، ریاست پاکستان کی عزت اوراتھارٹی کادفاع کیا، یہی ایک وجہ عمران حکومت جانے کی بھی ہے۔
- Advertisement -
ڈینیلاگانِس نے کہا کہ امریکا کسی سے غیر مطمئن ہو تو اس کے لیے مسائل کھڑےکرتاہے، عمران خان کواگر اندرونی مسائل کاسامنا نہ ہوتا توان کی حکومت نہ جاتی۔
ان کا مزید کہنا تھا کہ یوکرین جنگ کے وقت عمران خان کا روس کا دورہ "اتفاق” تھا ، انھوں نے روس کے دورے کی قیمت ادا کی۔
