چین نے بحر الکاہل کے شمال مغرب میں روس کے ساتھ مشترکہ فوجی مشقوں کا آغاز کردیا ہے۔
بین الاقوامی خبر رساں ادارے کی رپورٹ کے مطابق مشترکہ مشقوں کے دوران فوجیوں کو آبدوزوں کے ساتھ لڑائی اور انہیں ناکارہ بنانے کی تربیت فراہم کی جارہی ہے، مشقوں میں چین کی شمولیت دو محارب اور ایک فریگیٹ بحری جہاز پر مشتمل ہے۔
روسی وزارت دفاع کے مطابق فوجی مشقیں دونوں ملکوں کے شمال مغربی بحرالکاہل میں جاری مشترکہ پیٹرولنگ کاروائیوں کا ایک حصّہ ہیں۔
چین کی عوامی لبریشن فورسز کے مطابق مشقوں میں ”Tip 055” ووشی محارب، ”Tip 052D” شننگ محارب اور ”Tip 054 A ” لینیی فریگیٹ شامل ہیں۔
اس کے علاوہ بحری جہازوں سے تعاون کے لئے ایک پیٹرول ٹینکر اور ‘اینٹی سب میرین’ صلاحیت کے حامل تین نیول ہیلی کاپٹر بھی چینی فلیٹ میں شامل ہیں۔
واضح رہے کہ اسی علاقے میں چین اور روس کی مسلح افواج نے گذشتہ ماہ بھی مشترکہ فوجی مشقیں کی تھیں۔
دوسری جانب سیول حکومت نے دعویٰ کیا ہے کہ شمالی کوریا کے فوجی یوکرین میں روس کے لیے لڑ رہے ہیں۔ سیول کے وزیر دفاع کے مطابق شمالی کوریا کے فوجی یوکرین میں روسی فوجیوں کے شانہ بشانہ لڑ رہے ہیں۔
کم یونگ ہیون نے منگل کے روز جنوبی کوریا کے سیاستدانوں کو بتایا کہ اس بات کا ”بہت زیادہ امکان”ہے کہ 3 اکتوبر کو ڈونیٹسک کے قریب یوکرائنی میزائل حملے میں شمالی کوریا کے چھ افسران ہلاک ہو گئے۔
کم یونگ نے کہا کہ مختلف حالات کو دیکھتے ہوئے ہم نے اندازہ لگایا ہے کہ یوکرین میں شمالی کوریا کے افسران اور فوجیوں کے درمیان ہلاکتوں کا بہت زیادہ امکان ہے اور سیول توقع کرتا ہے کہ پیانگ یانگ روس کی جنگی کوششوں کی حمایت کے لیے مزید فوجی بھیجے گا۔
افغانستان میں سڑکیں اور ریلوے کی تعمیر، ایرانی کمپنیوں کا اظہار دل چسپی
شمالی کوریا نے ان الزامات کی تردید کی ہے کہ وہ یوکرین پر حملے کے لیے روس کی افواج کو اسلحہ فراہم کر رہا ہے۔
