The news is by your side.

Advertisement

دنیا بھر میں روسی ویکسین کے کیا اثرات ہیں؟ اہم انکشاف

ماسکو : روسی کورونا ویکسین اسپونتک وی دنیا بھر میں اب تک جہاں بھی استعمال ہوئی ہے اس کے مثبت اثرات کی رپورٹ ملی ہے کیونکہ یہ ایک مؤثر اور محفوظ ویکسین ہے۔

یہ بات روس کے براہ راست سرمایہ کاری فنڈ (آر ڈی آئی ایف) کے سی ای او کریل دمتریف نے روسی ٹی وی چینل کو دیئے گئے اپنے ایک انٹرویو میں بتائی۔

انہوں نے کہا ہے کہ روسی کوویڈ19 ویکسین سپوتنک وی کی اعلیٰ کارکردگی اور حفاظت کے بہترین معیار کی وجہ سے پوری دنیا میں بہت زیادہ مانگ ہے۔

کریل دمتریف نے کہا کہ ہمیں یقینی طور پر پوری دنیا میں روسی ویکسین کے لئے ضرورت سے زیادہ طلب نظر آرہی ہے اور اس کی وجہ یہ ہے کہ کارکردگی اور حفاظت کے لحاظ سے یہ بہترین نتائج دیتی ہے۔

روسی براہ راست سرمایہ کاری فنڈ کے سی ای او نے بتایا کہ اسپتنک وی ویکسین کی بہترین کارکردگی کی تصدیق نہ صرف روس نے کی ہے بلکہ یہ میکسیکو ارجنٹائن ، ہنگری اور بہت سے دوسرے ممالک نے بھی اسے مؤثر اور محفوظ قرار دیا ہے جو روسی ویکسین استعمال کرتے ہیں۔

ان کا مزید کہنا تھا کہ روسی سپوتنک وی کورونا ویکسین اب تک اتنے ممالک میں رجسٹرڈ ہوچکی ہے جہاں 3 ارب سے زیادہ افراد شامل ہیں۔

Comments

یہ بھی پڑھیں