The news is by your side.

Advertisement

روس کی اہم شخصیت کورونا وائرس کا شکار

ماسکو : روس کی وزیر ثقافت اولگا لیو بیموا کورونا وائرس سے مثبت پائی گئی ہیں اور انہوں نے سیلف آئسولیشن لیتے ہوئے خود کو گھر میں قرنطینہ کرلیا ہے،روسی کابینہ میں اب تک تیسرا رکن کورونا سے متاثر ہوا ہے۔

تفصیلات کے مطابق روسی دفتر وزارت ثقافت کے ترجمان نے اپنے ایک جاری بیان میں کہا ہے کہ وزیر ثقافت اولگا لیو بیموا میں کورونا کی ہلکی علامات پائی گئی ہیں اور قرنطینہ میں رہتے ہوئے گھر میں ہی ان کا علاج جاری ہے۔

وزارت ثقافت کے ترجمان کا کہنا ہے کہ اولگا لیو بیموا دوسرے عہدیداروں کے ساتھ ویڈیو کالز میں شریک ہورہی ہیں۔ روسی نیوز ایجنسی کے مطابق روس میں اب تک مجموعی طور پر تین روسی کابینہ کے افراد میں وائرس کی تشیخص ہوچکی ہے۔

یاد رہے کہ گزشتہ ہفتے وزیر اعظم میخائل مشستین اور وزیر تعمیرات ولادیمیر یاکوشیف بھی اس وائرس سے متاثر ہوئے تھا تاہم یہ واضح نہیں ہوپایا کہ روسی صدر ولادیمیر پوتن نے ان میں سے کسی بھی متاثرہ عہدیدار سے ملاقات کی ہے۔

اس وباء کے آغاز سے ہی روسی رہنما کی ملاقاتیں محدود تھیں اور عہدیداروں کے ساتھ روزانہ ویڈیو کالز کرتے ہیں۔

Comments

یہ بھی پڑھیں