تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

یورپی یونین دہرا میعار ترک کرے، روسی وزیر خارجہ

ماسکو : روس کے وزیر خارجہ سرگئی لاوروف نے یورپی یونین کے ممالک پر زور دیا ہے کہ وہ پولینڈ اور لتھوانیا کے ساتھ بیلاروس کی سرحد پر مہاجرین کے بحران سے نمٹنے کے لیے دوہرے معیار سے گریز کریں۔

انہوں نے ایک نیوز کانفرنس میں کہا کہ اس صورتحال میں دوہرے معیارات سے گریز کرنا اور یورپی یونین کے ممالک کی پوزیشن سے متعلق ایک مشترکہ نقطہ نظر کو استعمال کرنا ضروری ہے۔

انہوں نے کہا کہ پولینڈ اور اٹلی کے لیے مختلف معیارات کا استعمال ناقابل قبول ہے، برسلز اس مسئلے پر کب غور کرے گا کہ وارسا اور روم مہاجرین کی آمد کے سلسلے میں کیسا برتاؤ کر رہے ہیں۔

روسی وزیر خارجہ نے سخت تنقید کرتے ہوئے کہا کہ جن ممالک سے مہاجرین آ رہے ہیں ان کے حوالے سے دہرے معیار سے گریز کرنا بھی ضروری ہے۔

روسی اعلیٰ سفارت کار نے یاد دلایا کہ جب مہاجرین ترکی سے یورپ پہنچ رہے تھے تو یورپی یونین نے انہیں ترکی میں رکھنے کے لیے فنڈز مختص کیے تھے۔

وہ بیلاروس کی اس طرح مدد کیوں نہیں کر سکتے؟ بیلاروس کو بھی پیسے کی ضرورت ہے تاکہ مہاجرین کے لیے معمول کے حالات کو یقینی بنایا جا سکے، جبکہ لتھوانیا اور پولینڈ ان مہاجرین کو قبول کرنے سے گریزاں ہیں۔

Comments

- Advertisement -