کیف: یوکرین کے مشرقی علاقے ڈونیٹسک میں ایک مارکیٹ پر روسی میزائل حملے میں 17 افراد ہلاک اور 32 زخمی ہو گئے۔
غیر ملکی میڈیا رپورٹس کے مطابق یوکرین کے مشرقی علاقے ڈونیٹسک میں روسی میزائل حملے سے ایک بچے سمیت سترہ افراد ہلاک اور بتیس زخمی ہو گئے۔
روسی میزائل حملے کی سوشل میڈیا پر وائرل وڈیو میں دیکھا جا سکتا ہے کہ لوگ روزہ مرہ خریداری کے لیے مارکیٹ میں آ جا رہے تھے، معمول کے مطابق گاڑیاں راستے کے کنارے پارک تھیں، کہ چند لمحوں میں روسی میزائل حملے سے مارکیٹ ملبے کا ڈھیر بن گئی۔
BREAKING: Russian forces have apparently attacked the Central market in the Ukrainian village of Kostiantynivka.
At least 16 innocent people have been killed according to Ukraine.
Russia using missiles to strike civilians in the Donetsk region is despicable. Anyone who… pic.twitter.com/kgBtqyWLR6
— Brian Krassenstein (@krassenstein) September 6, 2023
دھماکے کے بعد ہر سو چیخ و پکار مچ گئی، ہر طرف آگ اور تباہی کے مناظر تھے۔ یہ 18 ماہ سے جاری جنگ میں شہریوں پر ہونے والی سب سے مہلک بمباری تھی۔
صدر ویلودیمیر زیلنسکی نے کیف میں ڈنمارک کے وزیر اعظم کے ساتھ ایک نیوز کانفرنس میں کہا کہ جو لوگ اس جگہ کو جانتے ہیں وہ اچھی طرح جانتے ہیں کہ یہ ایک شہری علاقہ ہے، قریب کوئی فوجی یونٹ نہیں ہے۔ وائٹ ہاؤس کی پریس سیکریٹری کرین ژاں پیئر نے کہا کہ اس طرح کے وحشیانہ روسی حملے یوکرین کے لوگوں کی حمایت جاری رکھنے کی اہمیت کو واضح کرتے ہیں۔