روس کے دو آئل ٹینکر سمندر میں حادثے کا شکار ہو گئے۔ بحری جہاز آبنائے کرچ میں طوفانی لہروں کی زد آکر توازن کھو بیٹھے۔
روسی میڈیا کے مطابق حادثے کے نتیجے میں ایک جہاز ڈوب گیا ہے جس سے تیل کا اخراج جاری ہے جب کہ دوسرا جہاز بے قابو ہوکر ہچکولے کھا رہا ہے۔
دونوں جہازوں میں انتیس افراد موجود تھے۔
ہنگامی سگنل ملنے پر ریسکیو ٹیمیں آپریشن میں مصروف ہیں اور عملے کے تیرہ ارکان کو بچا لیاگیا ہے جب کہ ایک لاش پانی سے نکال لی گئی۔
دونوں جہازوں میں چار ہزارٹن سے زیادہ ایندھن موجود ہے۔
