تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

روسی طیاروں نے نیا عالمی ریکارڈ قائم کردیا

ماسکو : روس کے دو طیاروں نے مسلسل 25گھنٹے طویل ترین پرواز کرکے عالمی ریکارڈ اپنے نام کرلیا، ایرو اسپیس فورس کے دو پائلٹوں نے ٹی یو 160طیاروں کے ساتھ20ہزار کلومیٹر سے زائد فاصلہ طے کیا۔

تفصیلات کے مطابق دو سپر سونک ٹی یو160روسی اسٹریٹجک بمباروں نے اپنی کلاس کے طیاروں کے حوالے سے بنائے جانے والے نان اسٹاپ پروازوں کی حد اور طویل ترین پرواز کا عالمی ریکارڈ قائم کیا ہے۔

اس بات کا اعلان روس کی ایرو اسپیس فورسز کے لانگ رینج ایوی ایشن کے کمانڈر لیفٹیننٹ جنرل سرجی کوبیلاش نے اپنے ایک حالیہ بیان میں کیا۔

ان کا کہنا تھا کہ آج دو طویل رینج والے طیارے ٹی یو 160سپر سونک اسٹریٹجک میزائل کیئریرکے عملے نے طویل ترین پرواز کا ریکارڈ قائم کیا ہے، اسپیس فورسز کے دو پائلٹس اپنے طیاروں کے ساتھ مسلسل 25گھنٹے سے زائد وقت تک محو پرواز رہے۔

ان پائلٹس نے اس دوران 20ہزار کلو میٹر سے زائد کا فاصلہ احسن طریقے سے طے کیا اور عالمی ریکارڈ بنا ڈالا جو ادارے کیلئے قابل فخر کارنامہ ہے۔

واضح رہے کہ اس سے قبل اس طرز کے طیاروں کا عالمی ریکارڈ 2010میں بنایا گیا تھا، جب بمباروں نے 24گھنٹے اور 24منٹ تک مسلسل پرواز کی تھی۔

اس کے علاوہ اکتوبر 2019میں نیو یارک سے سڈنی جانے والی کنٹاسا ایئر لائن کی مسافر بردار پرواز جس نے 19گھنٹے 15 منٹ تک مسلسل پرواز کرکے طویل ترین تجارتی پرواز کا اعزاز اپنے نام کیا تھا۔

Comments

- Advertisement -