The news is by your side.

Advertisement

روس، آرمی بیس میں راکٹ دھماکے سے پھٹ گیا، 2 افراد ہلاک

ماسکو: روس کے آرمی بیس میں راکٹ دھماکے سے پھٹ گیا جس کے نتیجے میں 2 افراد ہلاک ہوگئے۔

غیرملکی خبررساں ادارے کے مطابق روسی آرمی بیس میں راکٹ انجن مشقوں کے دوران دھماکے سے پھٹ گیا جس کے نتیجے میں 2 افراد ہلاک اور 6 شدید زخمی ہوگئے۔

حالات کنٹرول میں ہیں خطرے کی کوئی بات نہیں ہے

روسی وزارت داخلہ

رپورٹ کے مطابق زخمیوں میں سول انجینئرز بھی شامل ہیں، زخمیوں کو طبی امداد کے لیے اسپتال منتقل کردیا گیا ہے۔

روسی میڈیا کے مطابق ایٹمی مواد کی موجودگی میں ریڈیشن پھیلنے کا خدشہ ظاہر کیا جارہا ہے جبکہ روسی وزارت داخلہ کے مطابق ریڈیشن کا لیول نارمل ہے، حالات کنٹرول میں ہیں خطرے کی کوئی بات نہیں ہے۔

جس علاقے میں راکٹ پھٹا ہے اس علاقے کی کل آبادی ایک لاکھ 85 ہزار کے قریب ہے۔

واضح رہے کہ گزشتہ ماہ بھی روس میں راکٹ انجن دھماکے سے پھٹ گیا تھا جس کے نتیجے میں 14 افراد ہلاک ہوگئے تھے۔

یاد رہے کہ دو سال قبل امریکی خلائی راکٹ آپریشنل کمپنی اسپیس ایکس میں خلائی راکٹ کا انجن آزمائش کے دوران پھٹ گیا تھا تاہم حادثے میں کسی قسم کا جانی نقصان نہیں ہوا تھا۔

Comments

comments

یہ بھی پڑھیں