The news is by your side.

‘سستے تیل کیلئے معاہدے : روس کا سینئرترین وفد پاکستان آرہا ہے’

اسلام آباد : وزیر مملکت پیٹرولیم مصدق ملک کا کہنا ہے کہ روس سے سستے تیل کیلئے معاہدےکی تیاری مکمل ہوگئی ہے ، روس کا سینئرترین وفد پاکستان آرہا ہے۔

تفصیلات کے مطابق وزیر مملکت پیٹرولیم نےپاک روس سستےتیل کی خریداری کے معاہدے کی تقریب میں گفتگو کرتے ہوئے کہا کہ روس سے سستے تیل کی خریداری کےمعاہدے کی تیاریاں مکمل ہو چکی ہیں، وفد اسی وقت آتے ہیں جب تیاریاں مکمل ہوں۔

وزیر مملکت پیٹرولیم نے بتایا کہ روس خام تیل میں دنیا کے برابر یا اس بھی زیادہ ڈسکاؤنٹ دے گا ، روس کے ساتھ سنجیدہ بات چیت جاری ہے۔

مصدق ملک کا کہنا تھا کہ روس کا سینئر ترین وفد پاکستان آرہا ہے ، روسی وزیر توانائی اور وزیر مملکت توانائی سمیت پورا وفد آئے گا، ہم پوری کوشش کریں گے ملکی مفاد میں معاملہ طے ہوجائے گا۔

انھوں نے کہا کہ ریفائنریز سے بات کرنے کے بعد روس کے سامنے طلب رکھی ہے، روس کے ساتھ تمام گفتگو کر کے آئے ہیں معاہدے کی تیاری مکمل ہیں لیکن قبل از وقت غیر ذمہ دار بات نہیں کر سکتا۔

وزیر مملکت کا کہنا تھا کہ ریفائنریز پالیسی میں ڈیوٹی کو سرمایہ کاری سےلنک کر رہے ہیں ، ریفائنریز کو جو ڈیوٹی کی مد میں بچت ہوگی انویسٹ کریں گے۔

مصدق ملک نے مزید بتایا کہ ہماری ریفائنریز 30فیصد سے زائد فرنس آئل بنا رہی ہیں ، جب ریفائنریز کو اپ گریڈ کریں گے تو پیٹرول ذیزل زیادہ بنائیں گے۔

Comments

یہ بھی پڑھیں