کراچی میں بے لگام ڈاکوؤں نے ایک اور معصوم زندگی کا خاتمہ کر دیا۔

پولیس کے مطابق پورٹ قاسم کے قریب فائرنگ سے شہری جاں بحق ہو گیا۔ گاڑیوں کے مکینک 24 سالہ محمد ثمر کو ڈکیتی مزاحمت پر قتل کیا گیا۔

دوست کا کہنا ہے کہ محمدثمر پورٹ قاسم موڑ پر خراب ٹرک کی مرمت کر رہا تھا کہ اندھیرے کی وجہ سے 4 سے 5 افراد نے موبائل ٹارچ لگائی ہوئی تھی اس دوران موٹرسائیکل سوار 2 ملزمان نے اسلحہ دکھا کر لوٹ مار کی۔

دوست کے مطابق ملزمان موبائل فونز اور نقدی چھیننے کے بعد دوبارہ ہمارے پاس آئے اور ثمر کی جیب سے کچھ نہ نکلنے پر ملزمان نےفائرنگ کی اور فرار ہو گئے۔

مقتول 4 بچوں کا باپ تھا جو شاہ لطیف کا رہائشی اور آبائی تعلق مانسہرہ سےتھا۔