جنوبی افریقہ کے بیٹر ہینری کلاسن نے آسٹریلیا کے خلاف چوتھے ون ڈے میچ میں نئی تاریخ رقم کردی۔
سنچورین میں کھیلے جارہے چوتھے ون ڈے میچ میں جنوبی افریقہ نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 416 رنز بنائے اور کینگروز کو جیت کے لیے 417 رنز کا ہدف دیا۔
ہینرک کلاسن نے 83 گیندوں پر 174 رنز کی برق رفتار اننگز کھیلی، کلاسن کی اننگ میں 13 چوکے اور 13 بلند و بالا چھکے شامل تھے۔
South Africa just took off 🚀🚀https://t.co/DOXYGiQVwM #SAvAUS pic.twitter.com/O5VW54J57f
— ESPNcricinfo (@ESPNcricinfo) September 15, 2023
کلاسن نے شاندار اننگز کھیل کر ون ڈے میں نئی تاریخ رقم کی، وہ پانچویں نمبر پر بیٹنگ کرکے 174 رنز بنانے والے پہلے بیٹر بن گئے ہیں۔
جنوبی افریقی بیٹر کو مارکس اسٹونس نے ایلیس کے ہاتھوں کیچ آؤٹ کروایا۔
جب کلاسن بیٹنگ کے لیے آئے تو 34.1 اوورز میں جنوبی افریقہ نے 4 وکٹوں کے نقصان پر 194 رنز بنائے تھے، کلاسن اور ڈیوڈ ملر کے درمیان222 رنز کی شاندار پارٹنر شپ قائم ہوئی اور کلاسن نے 57 گیندوں پر سنچری مکمل کی جبکہ ملر 45 گیندوں پر 82 رنز بنا کر ناٹ آؤٹ رہے۔
The FOURTH fastest 150 in men’s ODIs, in just 77 balls 🔥
Heinrich Klaasen smashed 13 fours and an equal number of sixes 🤯 https://t.co/DOXYGiQVwM #SAvAUS pic.twitter.com/Xyw68YBrmH
— ESPNcricinfo (@ESPNcricinfo) September 15, 2023
واضح رہے کہ آسٹریلیا کو پانچ میچز کی سیریز میں 2-1 کی برتری حاصل ہے۔
