The news is by your side.

Advertisement

سعد رفیق جیل میں بیمار پڑ گئے، اسپتال منتقل کرنے کا حکم

لاہور: خواجہ سعد رفیق بھی جیل میں بیمار پڑ گئے، احتساب عدالت نے انھیں سروسز اسپتال منتقل کرنے کا حکم دے دیا۔

تفصیلات کے مطابق پیراگون کیس میں گرفتار ن لیگی رہنما خواجہ سعد رفیق بھی جیل میں بیمار پڑ گئے، احتساب عدالت نے ان کو سروسز اسپتال منتقل کرنے کا حکم دے دیا۔

جیل سپرنٹنڈنٹ نے عدالت میں سعد رفیق کو اسپتال میں داخل کرانے کی درخواست دائر کر دی تھی، جس میں مؤقف اختیار کیا گیا تھا کہ سعد رفیق کو گلے کی تکلیف ہے، جیل اسپتال میں علاج ممکن نہیں، عدالت سعد رفیق کو اسپتال داخل کرانے کی اجازت دے۔

احتساب عدالت کے جج جواد الحسن نے جیل سپرنٹنڈنٹ کی درخواست پر سماعت کی، عدالت نے حکم جاری کیا کہ سعد رفیق کو علاج کے لیے سروسز اسپتال داخل کرایا جائے۔

یاد رہے کہ جمعہ 6 مارچ کو احتساب عدالت میں پیراگون ہاؤسنگ سوسائٹی اسکینڈل کی سماعت ہوئی تھی، خواجہ سعد رفیق اور سلمان رفیق ایڈمن جج امیر محمد خان کی عدالت میں پیش ہوئے تھے، وعدہ معاف گواہ قیصر امین بٹ پیش نہیں ہوئے، وکیل نے بتایا کہ وہ بیماری کے باعث اسپتال میں داخل ہیں، پچھلی بار پیشی پر انھیں ایمبولینس میں لایا گیا تھا۔

عدالت نے ریمارکس دیے یہ کہ ہائی پروفائل کیس ہے اس لیے اسے سن رہے ہیں، بعد ازاں عدالت نے سماعت 19 مارچ تک ملتوی کر دی۔

fb-share-icon0
Tweet 20

Comments

comments

یہ بھی پڑھیں