لاہور : الیکشن کمیشن نے این اے ایک سو بائیس میں سردار ایاز صادق کی انتخابی مہم چلانے پر وفاقی وزیر ریلوے سعد رفیق اور وزیر مملکت عابد شیر علی اور ماروی میمن کو نوٹس جاری کردیئے ہیں ۔
تفصیلات کے مطابق ریٹرننگ افسر نے این اے 122میں مسلم لیگ ن کے امید وار ایاز صادق کی الیکشن مہم میں حصہ لینے پر وفاقی وزراء پر برہمی کا اظہار کرتے ہوئے ضابطہ اخلاق کی خلاف ورزی پر خواجہ سعد رفیق اور عابد شیرعلی کو نوٹس جاری کردیئے۔
ریٹرننگ افسر نے تینوں رہنماﺅں کو نوٹس جاری کرتے ہوئے ان سے چھ اکتوبر کو جواب طلب کرلیاہے۔
ریٹرننگ آفیسر کے مطابق وزراء انتخابی مہم میں حصہ نہیں لے سکتے اور انہیں امیدواروں کی حمایت میں تقریر کرنے کی اجازت نہیں۔
عابد شیر علی کا کہناہے انہوں نے الیکشن مہم کے دوران حکومتی مشینری کا استعمال نہیں کیا اور نوٹس پر مشاورت کے بعد فیصلہ کریں گے ۔
ریٹرنگ افسر نے تینوں رہنماﺅں کو نوٹس ایازصادق کے حق تقریریں کرنے اور ریلی میں شرکت کرنے پر جاری کیاہے ۔
