The news is by your side.

Advertisement

صاف پانی کمپنی ریفرنس میں احتساب عدالت کا بڑا فیصلہ

لاہور: شہباز شریف خاندان کی مشکلات میں مزید اضافہ، احتساب عدالت نے صاف پانی کمپنی ریفرنس پر بڑا فیصلہ سنادیا ہے۔

تفصیلات کے مطابق لاہور کی احتساب عدالت میں صاف پانی کمپنی ریفرنس کی سماعت ہوئی، احتساب عدالت کے جج امجد نذیر چوہدری نے کیس کی سماعت کی۔

آج صاف پانی کمپنی ریفرنس میں بڑی پیش رفت ہوئی ، جہاں احتساب عدالت نے شہباز شریف کی بیٹی رابعہ عمران اور داماد کو اشتہاری قرار دیتے ہوئے آئندہ سماعت پر رابعہ عمران اور عمران علی یوسف کی جائیدادوں کی تفصیلات طلب کرلی ہے۔

ریفرنس میں نیب لاہور نے صاف پانی کمیشن کے سابق چیف ایگزیکٹو آفیسر (سی ای او) وسیم اجمل، سابق کنوینر انجینئر قمراسلام سمیت 20 افراد نامزد ہیں۔

واضح رہے کہ نیب لاہور نے چیئرمین نیب کے حکم پر صاف پانی اسکینڈل کی انکوائری شروع کررکھی تھی،صاف پانی کمپنی انکوائری میں سابق وزیر اعلیٰ پنجاب شہباز شریف ان کے داماد علی عمران، سابق صوبائی وزیر خزانہ عائشہ غوث اور سابق رکن صوبائی اسمبلی وحید گل نے پیش ہو کر بیان ریکارڈ کرایا تھا۔

یہ بھی پڑھیں:  صاف پانی کمپنی کیس میں 20 ملزمان کے خلاف ریفرنس دائر

یاد رہے کہ نیب نے پنجاب میں شہباز شریف انتظامیہ کی جانب سے قائم کی گئیں 56 سرکاری کمپنیوں میں مبینہ کرپشن کی تحقیقات کا گزشتہ سال نومبر میں آغاز کیا تھا۔

ان کمپنیوں پر بےضابطگیوں، خریداری میں قواعد و ضوابط کی خلاف ورزی، میرٹ کی خلاف ورزی، اقربا پروری اور وقت پر کئی منصوبے مکمل نہ کرنے کا الزام ہے۔

Comments

یہ بھی پڑھیں