پاکستانی شوبز انڈسٹری کی سینئر اداکارہ صبا فیصل اور ان کی بہو نیہا کی سوشل میڈیا پر ذومعنی پوسٹیں توجہ کا مرکز بنی ہوئی ہیں۔
سینئر اداکارہ صبا فیصل اور نیہا ملک کے درمیان 2022 میں بڑے پیمانے پر لفظی جنگ ہوئی تھی، بات یہاں تک پہنچ گئی تھی کہ سینئر اداکارہ نے اپنے بیٹے سلمان فیصل اور بہو نیہا سے لا تعلقی کا اعلان کر دیا تھا۔
مگر 2023 میں اچانک وقت بدل گیا، حالات بدل گئے، انسٹاگرام پر محبت بھرے پیغامات، سالگرہ کی تصاویر اور خوشگوار تبصروں سے یہ ظاہر ہورہا تھا کہ یہ خاندانی تنازع ختم ہو چکا ہے۔ مگر اب ایک بار پھر خاندان میں گرما گرمی کے اشارے مل رہے ہیں۔
رواں برس رمضان اور عید کے فیملی ایونٹس میں سینئر اداکارہ کی بہو کی غیر حاضری نے ایک بار پھر افواہوں کو جنم دے دیا ہے، صبا نے انسٹاگرام پر عید کی تقریب کی تصاویر شیئر کیں اور لکھا، ”عید کی خوشیاں اپنوں کے ساتھ”۔
اداکارہ کی جانب سے شیئر کی گئی پوسٹ میں ان کا بیٹا ارسلان فیصل تو موجود تھا، لیکن نیہا موجود نہیں تھیں۔ اسکے علاوہ کچھ متنازعہ پوسٹ بھی اداکارہ کی جانب سے شیئر کی گئیں۔
سینئر اداکارہ کی بہو نیہا کی جانب سے بھی انسٹاگرام پر اپنی الگ عید مناتے ہوئے تصاویر اپلوڈ کیں، جس میں ان کے اپنے خاندان کے افراد موجود تھے، مگر سسرال کا کوئی فرد شامل نہیں تھا۔
سب سے زیادہ توجہ نیہا کے اس کیپشن نے حاصل کی جس میں انہوں نے لکھا تھا، ”عید مبارک میری انسٹاگرام فیملی کو، پوسٹ بہت دیر سے شیئر کر رہی ہوں، مومز لائف! شکر الحمدللہ تمام نعمتوں کے لیے اور ان سچے رشتوں کے لیے جو مجھے ملے”۔
یہ کیپشن دیکھتے ہی دیکھتے کوڈ میسج بن گیا، جس سوشل میڈیا صارفین نے کمنٹس کئے کہ یہ دراصل صبا فیصل کے اپنوں کے ساتھ خوشیوں والے جملے کا ردعمل تھا۔
