سینئر اداکارہ صبا فیصل کے بیٹے ارسلان فیصل کے ولیمے کی ویڈیو سوشل میڈیا پر گردش کررہی ہیں۔ جس پر ان کے چاہنے والوں کی جانب سے مبارکبادیں دینے کا سلسلہ بھی جاری ہے۔
سوشل میڈیا پلیٹ فارم انسٹا گرام پر شیئر کی گئی ویڈیو میں دیکھا جاسکتا ہے کہ سینئر اداکارہ صبا فیصل اپنے بیٹے اور بہو کے ہمراہ اسٹیج پر بیٹھی ہوئی ہیں، جبکہ صبا فیصل اس دوران اپنی بہو کو پیار کررہی ہیں۔
گزشتہ ماہ لاہور میں ارسلان فیصل کی شادی کی تقریبات کا آغاز ڈھولکی اور مہندی کے پروگراموں سے ہوا، اداکارہ صبا فیصل نے گھر پر ایک خوبصورت اور سادہ مایوں کے پروگرام کا اہتمام کیا جس کی تصاویر بھی وائرل ہوئیں۔
اس سے قبل صبا فیصل کے بیٹے ارسلان فیصل کی شادی کی تصاویر بھی سوشل میڈیا پر وائرل ہوگئی تھیں، جسے ان کے چاہنے والوں کی جانب سے خوب پذیرائی ملی تھی۔
