پاکستانی شوبز انڈسٹری کی معروف اور باصلاحیت اداکارہ صبا قمر کو ’مسٹری مین ‘ نے سالگرہ کے موقع پر سرپرائز دیا ہے۔
پاکستان کی خوبرو اداکاوہ و ماڈل صبا قمر نے 5 اپریل کو اپنی 40ویں سالگرہ منائی، انہوں نے اپنے ایک مشہور ڈرامہ سیریل کی کاسٹ اور ٹیم کے ہمراہ اپنی سالگرہ کا کیک کاٹا۔
View this post on Instagram
انہوں نے فوٹو اینڈ شیئرنگ ایپ انسٹاگرام پر اپنی سالگرہ کے جشن کی چند تصاویر پوسٹ کیں، پوسٹ میں اداکارہ کو ان کے قریبی لوگوں نے تحائف دیے۔
اداکارہ نے اُن تمام مداحوں اور ساتھی اداکاروں کا شکریہ ادا کیا جنہوں نے اُنہیں سالگرہ کی مبارکباد دی اور اُن کے لیے دُعائیہ پیغامات بھی جاری کیے، کہا کہ میرے دل میں اُن تمام لوگوں کے لیے خاص جگہ ہے جنہوں نے میری سالگرہ پر مجھے اسپیشل محسوس کروایا۔
دوسری جانب صبا قمر کو ایک مسٹری مین کی جانب سے بھی ایک شاندار سرپرائز ملا، جس کی تصاویر انہوں نے اپنی انسٹاگرام اسٹوری میں شیئر کیں۔
انسٹاگرام کی پہلی اسٹوری میں صبا قمر اُن کی تصویر کھینچنے والے شخص کی طرف دیکھ رہی ہیں، اُنہوں نے کسی کو ٹیگ کیے بغیر اپنی اسٹوری میں ‘آئی لو یو’ لکھا۔
جبکہ ایک اور اسٹوری میں کسی کو ٹیگ کیے بغیر کہا کہ آپ کی محبت نے مجھے مکمل کردیا ہے، میں اپنی زندگی میں آپ کی موجودگی پر ہمیشہ شکرگزار رہوں گی۔
اداکارہ کے اس پوسٹ نے مداحوں کو تشویش میں مبتلا کردیا، ان کے مداح یہ سوچنے پر مجبور ہیں کہ آخر صبا قمر کا مسٹری مین کون ہے اور کب سامنے آئے گا۔
