کراچی: معروف پاکستانی اداکارہ صبا قمر نے شادی کا اشارہ دے دیا۔
اداکارہ نے دو روز قبل سماجی رابطے کی ویب سائٹ اور فوٹو ویڈیو شیئرنگ پلیٹ فارم انسٹاگرام پر اپنی ایک دلکش تصویر شیئر کی، جس میں وہ سمندر میں لطف اندوز ہورہی تھیں۔ انہوں نے لکھا کہ ’اگر یہ ہونا ہے تو ہوجائے‘۔
اداکارہ کی اس پوسٹ پر اُن کے مداحوں نے تبصرے کیے جبکہ ایک نوجوان بلاگر عظیم خان نے انہیں شادی کی پیش کش کی۔ عظیم نے کمنٹس سیکشن میں لکھا کہ ’آؤ ، اس سال شادی کرلیتے ہیں‘۔
View this post on Instagram
اس پیش کش پر صبا قمر نے جواب دیتے ہوئے ’قبول ہے‘ لکھا اور دل کا ایموجی بنا کر اپنی خوشی کا اظہار کیا۔
دونوں شخصیات کی جانب سے شادی کی بات چیت اور رضامندی ظاہر کرنے کے بعد مداحوں نے بھی اپنے مشورے اور رائے دینا شروع کردی۔
View this post on Instagram
دوسری جانب مقامی میڈیا نے دعویٰ کیا ہے کہ صبا قمر نے شریک حیات منتخب کرنے کی تصدیق کرتے ہوئے کہا کہ ’مجھے وہ شخص مل گیا ہے جس کے ساتھ میں خوش رہ سکتی ہوں، اگر سب کچھ بہتر چلتا رہا تو میں جلدی شادی کا اعلان کروں گی‘۔
مقامی میڈیا رپورٹ کے مطابق عظیم خان پاکستانی نژادآسٹریلوی شہری ہیں اور وہ آسٹریلیا کے شہر سڈنی میں مقیم ہیں۔