پاکستان شوبز انڈسٹری کی معروف اداکارہ سبینا فاروق نے ڈراموں میں محدود کام کرنے کی دلچسپ وجہ بتا کر دل جیت لیا۔
پاکستان شوبز انڈسٹری کی معروف اداکارہ سبینا فاروق نے حال ہی میں فوٹو اینڈ شیئرنگ ایپ انسٹاگرام پر ایک اسٹوری شیئر کی ہے جہاں انہوں نے ڈراموں میں کم نظر آنے کی دلچسپ وجہ بتا کر مداحوں کے دل جیت لیے۔
سبینا نے اپنی انسٹاگرام اسٹوری میں لکھا کہ ’’گھر میں قیام اور وقت پر نماز کی ادائیگی ایک ایسا سکون ہے جو میں اپنے ڈراموں میں کام کے دنوں میں بہت یاد کرتی ہوں، یہ بھی ایک وجہ ہے کہ میں ڈراموں میں زیادہ کام نہیں کرتی حالانکہ مجھے یہ پسند ہے مگر مجھے اس سب میں توازن پیدا کرنا بڑا مشکل لگتا ہے۔
اداکارہ نے اسٹاری میں مزید لکھا کہ’ میک اپ اور ہیئر اسٹائلنگ کی وجہ سے وضو نہیں کر پاتی اور پھر سارا دن اس احساسِ ندامت اور اداسی میں گزرتا ہے کہ میں اپنا مذہبی فریضہ ادا نہیں کر پائی، ہر روز میں کوشش کرتی ہوں کہ میری زندگی میں توازن قائم ہو اور میں کام پر واپس آسکوں‘۔
واضح رہے کہ اداکارہ سبینا فاروق نے مقبول ڈرامہ میں کام کیا اور اپنے منفرد کردار سے انڈسٹری میں اپنی پہچان بنائی، اداکارہ لاکھوں لوگوں کے دلوں میں راج کرتی ہیں۔
اداکارہ رادھیکا آپٹے کے ہاں شادی کے 12 سال بعد بیٹی کی پیدائش
