پاکستانی شوبز انڈسٹری کی نامور اداکارہ صبور علی کی دلچسپ ویڈیو نے سوشل میڈیا پر سب کی توجہ حاصل کرلی۔
صبور علی نے اپنے انسٹا گرام ہینڈل پر مختصر ویڈیو پوسٹ کی جس میں وہ ممیکری کر رہی ہیں۔ ویڈیو کے کیپشن میں انہوں نے لکھا: ’اتنا حُسن؟‘
ویڈیو میں کہتی ہیں کہ انسٹا گرام پر اتنا حُسن ہے کہ کیا بتاؤں، لڑکیوں کا تو سمجھ میں آتا ہے کہ وہ میک اپ کر لیتی ہوں گی لیکن لڑکے کیسے خوبصورت بن رہے ہیں جبکہ حقیقت میں اتنے خوبصورت نہیں دکھتے۔
صبور علی کہتی ہیں کہ ایسے لڑکے انسٹا گرام پر آ کہاں سے رہے ہیں، کہاں سے ان کی سپلائی ہو رہی ہے؟
View this post on Instagram
اس دلچسپ ویڈیو کو جہاں ان کے مداحوں نے پسند کیا وہیں اداکاراؤں نے بھی اس پر تبصرہ کیا۔ اداکارہ عائزہ خان نے لکھا کہ یہ صرف تب ہوتا ہے جب آپ کے گھر میں شوہر کے روپ میں خوبصورت لڑکا موجود ہو۔ جبکہ اداکارہ منال خان نے اس پر قہقہہ لگایا۔
