پاکستانی شوبز انڈسٹری کی معروف اداکارہ صبور علی نے گزشتہ شب اپنی 30 ویں سالگرہ منائی، جس کی تصاویر انہوں نے مداحوں سے بھی شیئر کیں۔
اداکارہ صبور علی نے انسٹاگرام اکاؤنٹ پر خوبصورت نئی تصاویر شیئر کیں جن میں وہ اپنے شوہر علی انصاری کے ساتھ خوش گوار موڈ میں نظر آرہی ہیں۔ اداکارہ نے اپنی سالگرہ کی تھیم وائٹ اینڈ بلیک رکھی ہے۔
معروف اداکارہ نے خود بھی سیاہ اور سفید رنگ کا لباس زیب تن کر رکھا ہے جبکہ ان کے لذیذ اور خوبصورت نظر آنے والے کیک اور سرخ پھولوں کے گلدستے نے تصاویر کو چار چاند لگا دیے۔
اداکارہ کی جانب سے شیئر کی گئی ان خوبصورت تصاویر کے کمنٹ باکس میں شوبز انڈسٹری کی نامور شخصیات سمیت مداح بھی نیک تمناؤں کا اظہار کر رہے ہیں۔
اس سے قبل پاکستانی شوبز انڈسٹری کی نامور اداکارہ صبور کی دلچسپ ویڈیو نے سوشل میڈیا پر سب کی توجہ حاصل کرلی تھی۔
صبور نے اپنے انسٹا گرام ہینڈل پر مختصر ویڈیو پوسٹ کی جس میں وہ ممیکری کر رہی ہیں۔ ویڈیو کے کیپشن میں انہوں نے لکھا: ’اس میں اتنا ہسنے والی کیا بات ہے؟‘
ویڈیو میں کہتی ہیں کہ تمھیں پتا ہے ہم لڑکیوں کو منانا بہت مشکل ہوتا ہے، کیوں کہ کبھی کبھی ہمیں خود نہیں پتا ہوتا کہ ہم ناراض کیوں ہیں۔
واضح رہے کہ علی انصاری اور صبور سوشل میڈیا پر کافی متحرک رہتے ہیں اور گاہے بگاہے اپنی تصاویر شیئر کرتے رہتے ہیں جسے ان کے مداح بھی پسند کرتے ہیں۔
