نئی دہلی: مکڑیوں پر تحقیق کرنے والے محقق نے اپنے پسندیدہ کھلاڑی کی خدمات کو سراہتے ہوئے مکڑی کا نام سچن ٹنڈولکر رکھ دیا۔
بھارتی میڈیا رپورٹ کے مطابق دھرو پرجاتی نامی نوجوان نے پی ایچ ڈی (ڈاکٹریٹ ان فلاسفی) کی تحقیق کے دوران دو ایسی مکڑیاں دریافت کیں جن تک پہلے کبھی کوئی محقق نہیں پہنچا تھا۔
نوجوان کی تحقیق کو اُس کے اساتذہ نے بھی سراہا اور ان دونوں مکڑیوں کا نام تجویز کرنے کا مشورہ دیا جو دھرو پرجاتی کے لیے سب سے مشکل مرحلہ تھا۔
نوجوان محقق کئی روز تک تو اس معاملے پر تذبذب کا شکار رہا البتہ پھر اُس نے اپنی دریافت شدہ مکڑی میں سے ایک کا نام اپنے پسندیدہ کرکٹر سچن ٹنڈولکر سے منسوب کردیا۔
Finally it is published after long waiting period!!
Two new jumping spiders from India!
First one is Marengo sachintendulkar named after my favourite cricketer, Master Blaster @sachin_rt (The God of Cricket). pic.twitter.com/aIXBGe05qz
— Dhruv Prajapati (@Dhruv_spidy) November 10, 2019
نوجوان پروفیسر نے ٹویٹ کیا کہ ’میں نے ایک مکڑی کا نام مرینگو سچن ٹنڈولکر رکھا کیونکہ سچن میرے پسندیدہ کھلاڑی ہیں۔ ‘ انہوں نے بتایا کہ میں نے دوسری مکڑی کا نام سینٹ کوریاکوز الیاس چاوارا سے منسوب کیا کیونکہ انہوں نے کیرالا میں تعلیم کے فروغ میں اہم کردار ادا کیا۔
Second one is Indomarengo chavarapater named after Saint Chavara who was a great educator and founder of the Carmelites of Mary Immaculate (CMI) congregation, the first Catholic congregation in India.@DrRPNishank@narendramodi pic.twitter.com/bqjxc0Ggi5
— Dhruv Prajapati (@Dhruv_spidy) November 10, 2019
واضح رہے کہ 23 دسمبر 2012 کو سچن نے ون ڈے کرکٹ سے ریٹائرمنٹ لینے کا اعلان کیا تھا بعد ازاں انہوں نے ٹیسٹ کرکٹ سے بھی ریٹائرمنٹ لینے کا اعلان کیا تھا۔ سچن ٹنڈولکر نے اپنے کریئر کا آخری ٹیسٹ میچ 16 نومبر 2013 کو ممبئی اسٹیڈیم میں کھلا جس میں انہوں نے 74 رنز اسکور کیے تھے۔