The news is by your side.

Advertisement

سعودی عرب سے افسوس ناک خبر!

ریاض: سعودی عرب کے حائل ریجن میں زہر خورانی کا واقعہ پیش آیا جس کے نتیجے میں 51 افراد کو اسپتال منتقل کرنا پڑا، تاہم تمام شہریوں کی حالت خطرے سے باہر ہے۔

عرب میڈیا کی رپورٹ کے مطابق ریجن کے گورنر شہزادہ عبدالعزیز بن سعد نے بقعا کمشنری میں 51 افراد کے زہر خورانی کا شکار ہونے کے واقعے کا نوٹس لیتے ہوئے تحقیقات کا حکم دیا ہے۔

رپورٹ میں بتایا گیا کہ یہ واقعہ مقامی ہوٹل میں کھانا کھانے کے باعث پیش آیا، متعلقہ ادارے نے تحقیقات کا آغاز کردیا ہے۔ متاثرہ افراد میں سے کئی کی حالت بہتر ہوگئی۔

زہر خورانی کے شکار افراد کو سرکاری اسپتال میں طبی امداد فراہم کی جارہی ہے۔

اسپتال انتظامیہ کا کہنا ہے کہ 32 افراد کی طبیعت بحال ہونے پر انہیں فارغ کردیا گیا جبکہ دیگر افراد کو ان کی حالت بہتر ہونے تک سپتال میں رکھا گیا ہے۔

دوسری جانب متعلقہ اداروں نے ہوٹل کو سیل کرکے اس کے خلاف تحقیقات کا آغاز کردیا ہے تاکہ زہرخورانی کے بارے میں درست معلومات حاصل کی جاسکیں۔

Comments

یہ بھی پڑھیں