شوبز انڈسٹری کی ماڈل و اداکارہ صدف کنول نے انکشاف کیا ہے کہ وہ سرجریز کروانے کے بعد خوبصورت ہوگئیں۔
اداکارہ صدف کنول کا انٹرویو کلپ سوشل میڈیا پر وائرل ہورہا ہے جس میں وہ انہوں نے اعتراف کیا کہ وہ ہمیشہ سے جاذب نظر نہیں تھی بلکہ انڈسٹری میں آنے کے بعد وہ اس طرح کی دکھائی دینے لگی ہیں۔
انہوں نے کہا کہ بچپن سے لے کر جوانی تک بہت ہی عام شکل و صورت کی تھی لیکن بعد میں سرجریز کروائیں جس کے بعد دکھنے میں خوبصورت ہوگئی۔
صدف کنول نے کہا کہ میری بچپن میں بہت عام سی شکل تھی پھر بڑی ہوئی تو انسٹاگرام دیکھا اور سوشل میڈیا عام ہوا تو ڈینٹنگ پینٹنگ کروائی، تھوڑے دانت صحیح کروائے تو پیاری ہوگئی۔
اداکارہ نے کہا کہ مجھے انڈسٹری میں کچھ اداکارائیں پسند نہیں ہیں، میں ان سے بات نہیں کرتی جس پر مجھے بناوٹی کہا جاتا ہے لیکن میں فیک نہیں ہوں۔
انہوں نے بتایا کہ بی کام تک تعلیم حاصل کی ہے اس کے بعد تعلیم مکمل نہیں کرسکی جس کا مجھے بہت افسوس ہے۔
واضح رہے کہ شہروز سبزواری اور صدف کنول 31 مئی 2020 کو رشتہ ازدواج میں منسلک ہوئے ان کی ایک بیٹی زہرا ہے۔
