کراچی: نومنتخب چیئرمین سینیٹ صادق سنجرانی نے پیپلزپارٹی کے شریک چیئرمین آصف زرداری سے ملاقات کی، جس میں مستقبل میںبھی فروغ جمہوریت کے لیے ساتھ چلنے کا عزم کیا گیا.
تفصیلات کے مطابق چیئرمین سینیٹ صادق سنجرانی نے کراچی کا دورہ کیا، جہاں انھوں نے سابق صدر آصف علی زرداری سے خصوصی ملاقات ہے. اس موقع پر شیری رحمان،جان جمالی ،سینیٹرخدابابر اور پی پی پی کے دیگر رہنما بھی موجود تھے.
ملاقات میں چیئرمین سینیٹ صادق سنجرانی نے سینیٹ انتخابات میں بلوچستان کی حمایت کرنے پر آصف زرداری کا شکریہ ادا کیا. انھوں نے کہا، آپ کی سپورٹ اورمددسےہی بلوچستان کویہ اہم نشست ملی. بلوچستان کےعوام آپ کے شکر گزار ہیں.
اس موقع پر آصف زرداری نے کہا کہ بلوچستان کےعوام کاحق تھاکہ انہیں سینیٹ چیئرمین شپ دی جائے. انھوں نے صادق سنجرانی کو چیئرمین سینیٹ بننے پر مبارک باد دی اور امید ظاہر کی کہ جمہوریت کے مستقبل میں ایک دوسرے کا ساتھ دیا جائے گا.
حکومتی اتحاد کو شکست: میرصادق سنجرانی چیئرمین سینیٹ، سلیم مانڈوی والا ڈپٹی چیئرمین منتخب
یاد رہے کہ سینیٹ انتخابات میں صادق سنجرانی اپوزیشن کی مشترکہ امیدوار تھے، جنھیں پیپلزپارٹی، تحریک انصاف، ایم کیو ایم، بلوچستان کے سینیٹرز نے ووٹ دے کر کامیابی دلائی۔ صادق سنجرانی نے 104 میں سے 57 ووٹ لیے تھے۔ ان کے مقابلے میں حکومتی اتحاد کے امیدوار 46 ووٹ ہی حاصل کر چکے تھے۔
واضح رہے سینیٹ الیکشن میں ڈپٹی چیئرمین کے انتخابات میں پیپلزپارٹی کے سلیم مانڈوی والا نے 54 ووٹ لے کر عثمان کاکٹر کو شکست دی تھی۔
صادق سنجرانی اورعبدالقدوس بزنجو جیسے مہرے عبرت کا نشان بنیں گے،راناثنااللہ
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔
