The news is by your side.

Advertisement

جمہوریت اور جمہوری اداروں پر عوام کے اعتماد میں اضافہ ہوا ہے: چیئرمین سینیٹ

پارلیمنٹ کےار اکین ملکی وقومی مفاد کے محافظ ہیں

اسلام آباد: چیئرمین سینیٹ صادق سنجرانی نے کہا ہے کہ جمہوریت اور جمہوری اداروں پر عوام کے اعتماد میں اضافہ ہوا ہے، جو خوش آیند ہے.

ان خیالات کا اظہار انھوں نے اراکین قومی اسمبلی کے اعزاز میں دے جانے والے الوداعی عشائیہ میں‌ کیا. تفصیلات کے مطابق چیئرمین سینیٹ کی جانب سے ارکان اسمبلی کو عشائیہ دیا گیا، جس میں صدر ممنون حسین سمیت اراکین پارلیمنٹ کی بڑی تعداد نے کی.

اس موقع پر چیئرمین سینیٹ صادق سنجرانی نے کہا کہ پارلیمنٹ کے ار اکین ملکی وقومی مفاد کے محافظ ہیں، اراکین نے ملکی مفاد، عوامی نمائندگی کا فریضہ جاں فشانی سےسرانجام دیا.

چیئرمین سینیٹ نے اسپکیرقومی اسمبلی ایاز صادق کے کردار کو سراہتے ہوئے کہا کہ وہ مؤثر ورکنگ ریلیشن کے لئے سرگرم رہے، قانون سازی کےعلاوہ انتظامی امور پربھی اسپیکر نے تعاون کیا.

عشائیہ میں‌ ایاز صادق، سلیم مانڈوی والا، راجا ظفرالحق، شیری رحمان، خورشید شاہ، اقبال ظفرجھگڑا، محمود اچکزئی، شاہ محمود قریشی اور دیگر نے شرکت کی. اس موقع پر چیئرمین سینیٹ نے اس امر پر اطمینان کا اظہار کیا کہ عوام کا جمہوریت اورجمہوری اداروں پر اعتماد بڑھا ہے.

یاد رہے کہ صادق سنجرانی رواں برس 13 مارچ  کو سینیٹ انتخابات میں 57 ووٹ لے کر چیئرمین سینیٹ منتخب ہوئے تھے۔ ان کے مدمقابل ن لیگ کے راجا ظفر الحق تھے۔


میرصادق سنجرانی : شکایات سیل کے سربراہ سے چیئرمین سینیٹ تک


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں