صادق آباد : کچے کے علاقے میں پولیس کا آپریشن جاری ہے۔ ڈاکوؤں اور پولیس کے درمیان وقفے وقفے سے فائرنگ کی آوازیں سنی جا رہی ہیں۔ آپریشن میں دو سو پولیس اہلکار شریک ہیں، سندھ پولیس سےبھی مدد طلب کرلی گئی۔
تفصیلات کے مطابق صادق آباد میں کچے کے علاقے میں پولیس کا آپریشن ایک بار پھر جاری ہے۔ پولیس کے دو سو اہلکاروں سمیت چار چین اے پی سی، ایکسی ویٹر کچے میں داخل ہو گئیں۔
مذکورہ آپریشن کی قیادت ڈی پی او ذیشان اصغر کر رہے ہیں۔ پولیس نے بدنام زمانہ ڈاکو گڈو شر کی پناہ گاہ کے قریب مورچے بنا لئے۔ ڈاکوؤں اور پولیس کے درمیان وقفے وقفے سے فائرنگ کا سلسلہ جاری ہے۔
پولیس کے مطابق گڈو شر پولیس اہلکار کے قتل میں ملوث ہے۔ گڈو شر نے انڈھڑ گینگ کے ساتھیوں کو پناہ دی ہوئی ہے آپریشن کی کامیابی کے لئے سندھ پولیس سے بھی مدد طلب کی گئی ہے۔
