قومی ٹیم کے سابق لیجنڈ اسپنر سعید اجمل نے بیٹے کی اسپن بولنگ کرنے کی ویڈیو سوشل میڈیا پر شیئر کردی۔
سماجی رابطے کی ویب سائٹ ٹویٹر پر سابق کرکٹر سعید اجمل نے ویڈیو شیئر کی جس میں ان کے چھوٹے بیٹے کو انہی کے انداز میں بولنگ کرتے دیکھا جاسکتا ہے۔
ویڈیو شیئر کرتے ہوئے سعید اجمل نے لکھا کہ ’بیٹا بھی باپ جیسا ہے۔‘
سعید اجمل کی جانب سے شیئر کی گئی ویڈیو کو اب تک ہزاروں صارفین دیکھ چکے ہیں انہیں مستقبل کا بولر قرار دے رہے ہیں۔
Like Father Like Son ❤️ #myson #cricket #hilalajmal #bilalajmal #practice #saeedajmal pic.twitter.com/oCnofyOjSG
— Saeed Ajmal (@REALsaeedajmal) September 19, 2022
یاد رہے کہ سعید اجمل نے 35 ٹیسٹ میچز میں پاکستان کی نمائندگی کرتے ہوئے 28.1 کی اوسط سے 178 وکٹیں حاصل کیں۔
سعید اجمل کی 64 ٹی 20 انٹرنیشنل میں 85 وکٹیں ہیں جبکہ 113 ون ڈے انٹرنیشنل میں انہوں نے 184 وکٹیں حاصل کیں۔