پاکستان شوبز انڈسٹری کی معروف اداکارہ صحیفہ جبار کی گزشتہ روز وائرل ہونے والی تصویر کی حقیقت سامنے آگئی۔
اداکارہ صحیفہ جبار نے فوٹو اینڈ ویڈیو شیئرنگ ایپ انسٹاگرام پر گلابی لباس میں ملبوس اور ہلکے سبز اسکارف کے ساتھ بغیر کسی کیپشن کے ایک تصویر پوسٹ کی تھی۔
تصویر میں اداکارہ کا ’بے بی بمپ‘ دکھائی دے رہا تھا جس نے ہر ایک کی توجہ سمیٹ لی، پوسٹ کے کمنٹس میں تبصرہ کرتے ہوئے مداحوں کے ساتھ ساتھ ساتھی فنکاروں نے بھی صحیفہ جبار کو متوقع بچے کی آمد کی خوشی میں مبارک باد دی۔
View this post on Instagram
جس کے بعد صحیفہ جبار نے انسٹا اسٹوری شیئر کرتے ہوئے مذکورہ مبہم پوسٹ کی وضاحت پیش کی اور بتایا کہ وہ حاملہ نہیں ہیں بلکہ انسٹا گرام پر پوسٹ کی گئی تصاویر شوٹ کے دوران لی گئی تھیں۔
وائرل ویڈیو میں صحیفہ جبار نے کہا کہ میرے انسٹاگرام پر پیغامات کی بھر مار ہو گئی ہے، جسے میں انجوائے کر رہی ہوں، میرے شوہر اس وقت سو رہے ہیں، جب انہیں پتہ چلے گا تو ضرور انہیں ’شاک‘ لگے گا، اس وقت میں ایک شوٹ کے دوران ہوں۔
اس کے بعد اداکارہ نے مذکورہ انسٹا پوسٹ کے کمنٹس میں تبصرہ کرتے ہوئے مزید لکھا کہ مجھے لگا کہ میرا یہ لُک، اسکارف بہت واضح انداز میں سب کچھ بتا رہا ہو گا۔
