شوبز انڈسٹری کی معروف اداکار افضل خان المعروف ریمبو نے انکشاف کیا ہے کہ صاحبہ کا شادی کا جوڑا تین دلہنوں نے پہنا تھا۔
اداکار افضل خان المعروف ریمبو نے کہا کہ شادی کا جوڑا صرف ایک بار پہنا جاتا ہے اور وقت کے ساتھ یہ خراب ہونے لگتا ہے اس لیے بہتر ہے کہ اسے کسی اور کو دے دیا جائے تاکہ وہ جوڑا ہمیشہ نئے انداز میں زندہ رہے۔
ریمبو نے بتایا کہ آج کل شادی کے جوڑے کی قیمت لاکھوں روپے تک پہنچ چکی ہے جس کی وجہ سے اکثر لوگ اس خوبصورت جوڑے کو خریدنے کی استطاعت نہیں رکھتے۔
افضل خان نے اپنی ذاتی زندگی کا ذکر کرتے ہوئے کہا کہ جب انہوں نے صاحبہ کے لیے شادی کے جوڑے کا انتخاب کیا تھا تو وہ تقریباً 75 ہزار روپے کا تھا۔ ہ ان کی بیوی کے علاوہ خاندان کی تین دیگر خواتین نے بھی اس جوڑے کو اپنی شادیوں میں پہن کر اسے دلہن کے طور پر اپنایا۔
ان کا کہنا تھا کہ شادی کے جوڑے کو صرف ایک دن کے لیے پہنا جاتا ہے، اور بعد میں وہ قدرتی طور پر کچھ خراب ہو جاتے ہیں۔ اس لیے یہ اچھا خیال ہوتا ہے کہ اسے دوبارہ استعمال کرنے کے لیے کسی اور کو دے دیا جائے تاکہ جوڑا ہمیشہ نئے اور خوبصورت انداز میں زندہ رہے۔
ریمو نے کہا کہ یہ فیصلہ ناصرف ان کی ذاتی پسند کا عکاس ہے بلکہ شادی کی ایک منفرد اور دلکش روایت کو بھی ظاہر کرتا ہے۔
