اسلام آباد : سنی اتحاد کونسل سربراہ صاحبزادہ حامد رضا کا کہنا ہے کہ حکومت سے مذاکرت کیلئے ٹی او آرز طے کرلیے، ہماری طرف سے کوئی زبردستی نہیں، کوئی مذاکرات کرنا چاہے تو ٹھیک نہیں تو ان کی مرضی۔
تفصیلات کے مطابق سنی اتحاد کونسل سربراہ صاحبزادہ حامد رضا نے پارلیمنٹ کے باہر میڈیا سے گفتگو کرتے ہوئے کہا کہ ابھی تک حکومت سے مذاکرات کی کوئی بات نہیں ہوئی تاہم پارٹی میٹنگ کے اندر مذاکرات کے حوالے سے بات چیت چل رہی ہے۔
سنی اتحاد کونسل کے چیئرمین کا کہنا تھا کہ مذاکرات کے حوالےجو بھی ڈیولپمنٹ ہوگی آج شام کو پتا لگ جائے گا ، مذاکرات کی گائیڈ لائن اڈیالہ جیل سے بانی پی ٹی آئی ہی دیں گے،حامد رضا
مذاکرات کے حوالے سے ہماری طرف سے کوئی زبردستی نہیں، کوئی مذاکرات کرنا چاہے تو ٹھیک ہے نا کرنے چاہے توان کی مرضی۔
مزید پڑھیں : اسد قیصر کی حکومت سے مذاکرات شروع ہونے کی تردید
گذشتہ روز رہنما پاکستان تحریک انصاف (پی ٹی آئی) اسد قیصر نے بھی وفاقی حکومت سے مذاکرات شروع ہونے کی خبروں کی تردید کرتے ہوئے کہا تھا کہ مذاکرات خفیہ نہیں کریں گے جو ہوگا سب کے سامنے ہوگا، ابھی مذاکرات کے حوالے سے قوائد و ضوابط طے ہو رہے ہیں۔
ان کا کہنا تھا کہ عمران خان اور ورکرز کو گرفتار کیا گیا ہے، پنجاب اور اسلام آباد پولیس کا رویہ مناسب نہیں ہے۔
اس سے قبل چیئرمین پی ٹی آئی بیرسٹر گوہر نے بھی حکومت سے مذاکرات شروع ہونے کے خبروں کی تردید کی تھی۔ بیرسٹر گوہر کا کہنا تھا کہ مذاکرات شروع نہیں ہو رہے لیکن ہم کوشش کر رہے ہیں، جو کمیٹی بنائی ہے اس کا پراسس فالو ہونا چاہیے۔
