جمعہ, مئی 16, 2025
اشتہار

دونوں ہاتھوں اور ایک پیر سے معذور پُرعزم نوجوان ساحل حسین بگھیو

اشتہار

حیرت انگیز

ہمارے ملک میں ایسے باہمت افراد کی کمی نہیں جو اپنے ارادے، عزم اور حوصلے کے اتنے پکّے ہیں کہ بڑی سے بڑی مصیبت اور مشکل حالات یہاں تک کہ معذوری بھی اُن کے عزم کی راہ میں حائل نہیں ہوپاتی۔

ایسے ہی باہمّت اور باصلاحیت افراد میں ایک نام ساحل حسین بگھیو کا بھی ہے، جو صوبہ سندھ کے شہر مورو سے تعلق رکھتے ہیں، باہمت، باصلاحیت، پُر عزم ساحل حسین دونوں ہاتھوں اور ایک پاؤں سے معذور ہیں لیکن وہ اس محرومی سے کبھی پریشان نہیں ہوئے اور اپنے سارے کام خود انجام دیتے ہیں۔

اے آر وائی نیوز کے پروگرام باخبر سویرا میں بحیثیت مہمان گفتگو کرتے ہوئے ساحل حسین بگھیو نے بتایا کہ انہوں نے گریجویشن کیا ہے، وہ موٹیویشنل اسپیکر ہیں اور ایک بینک میں بحیثیت آڈیٹر ملازمت بھی کرتے ہیں۔

ان کا کہنا ہے کہ میری کامیابی میں میرے والدین کا سب سےا ہم کردار ہے انہوں نے ہی مجھے ہمت اور حوصلہ دیا جس کی بدولت میں نے اپنے کام خود انجام دیتا ہوں۔

دونوں ہاتھوں اور ایک پیر سے معذور زندگی کے چیلنجز کا مقابلہ کرنے والے ساحل حیسن بگھیو کا تعلق سندھ کے شہر حیدرآباد سے ہے اور وہ تعلیم اور روزگار کے سلسلے میں کراچی کے ایک ہاسٹل میں قیام پذیر ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں