ساہیوال: سی ٹی ڈی نے کارروائی کرتے ہوئے کالعدم تنظیم کے 2 دہشت گرد کو اسلحہ خریدنے کی رقم سمیت گرفتار کرلیا۔
تفصیلات کے مطابق سی ٹی ڈی نے انٹلی جنس بیسڈ کارروائی کرتے ہوئے 2 دہشت گرد کو گرفتار کرلیا، دہشتگردوں سے ممنوعہ لٹریچر، اسلحہ خریدنے کی رقم بھی برآمد ہوئی ہے۔
سی ٹی ڈی ترجمان کا کہنا ہے کہ دہشتگردوں کیخلاف مقدمہ درج کرکے مزید تفتیش جاری ہے، دہشتگردوں کی شناخت فواد مقیت اور عبداللہ کے نام سے ہوئی ہے۔
سی ٹی ڈی ترجمان کا ان دہشتگروں کے حوالے سے مزید کہنا ہے دہشتگرد فواد ناظم آباد کراچی کا رہائشی ہے جبکہ عبداللہ کوہاٹ کا رہائشی ہے۔
سی ٹی ڈی اور دہشت گردوں میں فائرنگ کا تبادلہ، 3 دہشت گرد ہلاک، 6 فرار
واضح رہے کہ ملک میں دہشت گردی کی بڑھتی ہوئی کارروائیوں اور حملوں کے پیش نظر سیکیورٹی فورسز اور رینجرز کے ساتھ ساتھ محکمہ انسداد دہشت گردی اور پولیس کی جانب سے بھی ملک بھر میں دہشت گرد گروپوں اور عسکریت پسندوں کے خلاف آپریشنز کا سلسلہ جاری ہے۔
