بالی ووڈ کے معروف اداکار سیف علی خان پر حملے سے متعلق کیس میں اہم پیش رفت ہوئی ہے، بالی ووڈ کے اداکار شاہ رخ خان بھی حملہ آور کے نشانے پر تھے۔
بھارتی میڈیا کے مطابق ممبئی پولیس کو شبہ ہے کہ سیف علی خان کے گھر ڈکیتی کرنے والے حملہ آور نے حملہ کرنے سے قبل بالی ووڈ کے ایک اور سپر اسٹار شاہ رخ خان کی رہائش گاہ منت کی بھی ریکی کی تھی۔
بھارتی میڈیا کا کہنا ہے کہ پولیس اب ان دونوں واقعات کے درمیان تعلق کی تحقیقات کر رہی ہے اور اس کا خیال ہے کہ حملہ آور نے اس ہفتے کے شروع میں شاہ رخ خان کے گھر منت کی ریکی کی تھی۔
سیف علی خان پر حملہ کرنے والی شخص کی پہلی سی سی ٹی وی ویڈیو سامنے آگئی
سیف علی خان کے گھر ڈکیتی کرنے والا مشتبہ حملہ آور گرفتار، ویڈیو بھی سامنے آگئی
دوسری جانب ممبئی پولیس نے ان رپورٹس کو مسترد کر دیا ہے، پولیس کا کہنا ہے کہ ان دعوؤں میں کوئی صداقت نہیں ہے۔
ذرائع کے مطابق اداکار کے حملہ آور کی جھلک سی سی ٹی وی فوٹیج میں نظر آئی، جس کے بعد ممبئی پولیس نے حملہ کرنے والے مشتبہ شخص کو گرفتار کرلیا ہے۔
View this post on Instagram
واضح رہے کہ بالی ووڈ اداکار سیف علی ڈکیتی کی کوشش روکنے کے دوران زخمی ہونے کے بعد بھارت کے لیلاوتی اسپتال میں زیر علاج ہیں جہاں ان کی حالت اب سرجری کے بعد خطرے سے باہر بتائی جارہی ہے۔
بھارتی میڈیا کے مطابق بالی ووڈ کے چھوٹے نواب اپنی اہلیہ کرینہ اور اپنے دو بیٹوں کے ہمراہ ممبئی کے علاقے باندرہ کی 12 اسٹوری بلڈنگ میں رہائش پذیر ہیں۔
جہاں بدھ اور جمعرات کی درمیانی شب تقریباً ڈھائی بجے کے قریب سیف علی خان کے گھر میں ڈکیتی کی کوشش کی گئی جسے اداکار نے مزاحمت کرکے ناکام بنادیا تاہم وہ اس دوران شدید زخمی ہوگئے۔
