بالی ووڈ کے معروف اداکار سیف علی خان کے ایک مداح نے سیلفی لینے کی کوشش کی جس دوران اداکار گرتے گرتے بچ گئے۔
بالی ووڈ کے معروف اداکار سیف علی خان لوگوں سے بچ کر نکلنے یا الگ تھلگ رہنے کے ماہر سمجھے جاتے ہیں۔ سماجی طور پر متحرک رہنے کے اس عہد میں بھی وہ سوشل میڈیا پر نہیں ہیں اور نہ وہ بہت زیادہ پارٹیوں یا تقریبات میں شریک ہوتے ہیں۔
حال ہی میں سوشل میڈیا پر ان کی ایک ویڈیو منظر عام پر آئی ہے جس میں ان کا ایک پرستار سے آمنا سامنا ہوا جس کی خواہش تھی کہ وہ سیف علی خان کے ساتھ ایک سیلفی بنوائے اور اس کوشش میں وہ ان کے بہت قریب آگیا۔
تاہم اس دوران سیف علی خان اپنا توازن برقرار نہ رکھ سکے اور تقریباً گرنے والے تھے۔ سیف علی خان نے مذکورہ فین کو دیکھا بھی نہ تھا وہ اس سے ٹکرائے اور گرتے گرتے بچے۔
اس دوران ان کے سیکیورٹی اسٹاف نے مذکورہ شخص کو ان سے دور کیا اور انہیں لے گئے۔
کام کے محاذ پر سیف علی خان کو آخری بار اوم راوت کی فلم آدی پرش میں دیکھا گیا تھا جس کے مرکزی کرداروں میں پربھاس، کریتی سینن، سنی سنگھ ودیگر شامل تھے۔
سیف علی خان تیلگو فلم ’دیوارا‘ میں اداکاری کے جوہر دکھائیں گے جس کی مرکزی کاسٹ میں جھانوی کپور اور جونیئر این ٹی آر شامل ہیں۔
