تحریک انصاف کے رہنما سیف اللہ نیازی پارٹی عہدے سے مستعفی -
The news is by your side.

Advertisement

تحریک انصاف کے رہنما سیف اللہ نیازی پارٹی عہدے سے مستعفی

اسلام آباد: تحریک انصاف کے رہنما سیف اللہ نیازی نے پارٹی پالیسیوں سے اختلافات کے باعث عہدے سے استعفیٰ دے دیا۔

تفصیلات کےمطابق تحریک انصاف کے رہنما اور عمران خان کے دست راست سیف اللہ نیازی نے پارٹی پالیسیوں سے اختلافات کےباعث اپنے عہدے سے استعفیٰ دے دیا۔

سیف اللہ نیازی تحریک انصاف کے ایڈیشنل جنرل سیکریٹری تھے جنہوں نے اپنا استعفیٰ عمران خان کو بھجوا دیا ہے۔

دوسری جانب تحریک انصاف کےترجمان نعیم الحق نے بھی سیف اللہ نیازی کے استعفے کی تصدیق کرتے ہوئے کہا ہےکہ ان کا استعفیٰ عمران خان کو موصول ہوگیا ہے تاہم نعیم الحق نے سیف اللہ نیازی کے استعفے پر مزید بات کرنے سے انکار کردیا۔

واضح رہے کہ پارٹی ترجمان کے مطابق ابھی سیف اللہ نیازی کا استعفیٰ منظور نہیں کیاگیا۔سیف اللہ نیازی اسلام آباد دھرنے کےلیے پی ٹی آئی کی انتظامی کمیٹی کےسربراہ تھے۔

Comments

comments

یہ بھی پڑھیں