سیالکوٹ : بہن کا بروقت علاج نہ کرانے پر سالے نے بہنوئی کوقتل کردیا، ملزم حمزہ کی بہن چندروزقبل ہارٹ اٹیک سے انتقال کرگئی تھی۔

تفصیلات کے مطابق سیالکوٹ میں تھانہ نیکاپورہ کے علاقے میں ملزم نےفائرنگ کرکے بہنوئی کوقتل کردیا اور قتل کرنے کے بعد موقع سے فرارہوگیا۔

مقتول کی لاش اسپتال منتقل کردی گئی ہے، پولیس نے بتایا کہ ملزم حمزہ کی بہن چند روز قبل ہارٹ اٹیک سےانتقال کرگئی تھی ، جس پر ملزم کو رنج تھا کہ مقتول نےاس کی بہن کا بر وقت علاج نہیں کرایا۔

پولیس کا کہنا تھا کہ مقتول ابرار نے 12 سال قبل مدیحہ سے پسند کی شادی کی تھی، جس سے 4 بچے تھے۔

ملزم نے مرحوم بہن کے دسویں پر قبرستان سے واپسی پر بہنوئی کو قتل کیا، ملزم کی تلاش کے لیے چھاپے مارے جا رہے ہیں۔