اسلام آباد : جی ڈی اے کی رکن قومی اسمبلی سائرہ بانو نے وزیرخزانہ اسحاق ڈار کو چیلنج کیا ہے کہ 50ہزار روپے کمانے والے طبقے کا بجٹ بنا کر دکھا دیں۔
تفصیلات کے مطابق قومی اسمبلی کے اجلاس میں جی ڈی اے رہنما سائرہ بانو نے وزیر خزانہ اسحاق ڈار پر تنقید کرتے ہوئے کہا وزیرخزانہ50ہزار والے طبقے کا بجٹ بنا کر دکھا دیں۔
سائرہ بانو کا کہنا تھا کہ عوام کوسادگی اپنانے کا کہہ رہے ہیں، ھاشن دے رہے ہیں کہ مشکل فیصلے کئے ، اپنے لیے مشکل فیصلے کریں، عوام کو امتحان میں کیوں ڈالا جارہا ہے۔
جی ڈی اے رہنما نے کہا کہ کہہ رہے ہیں تنخواہ نہیں لیں گے،ایک لاکھ اسی ہزار میں کیا ہوتا ہے، اپنےاخراجات کم کریں ،۔ عام آدمی سے جینے کا حق چھینا جا رہا ہے۔
ان کا کہنا تھا کہ حکمران اپنے اخراجات کم کریں، عام آدمی سے جینے کا حق چھینا جا رہا ہے، بلاول مہنگا ئی مارچ شروع کریں فنگشنل لیگ ساتھ دے گی۔
انھوں نے سوال کیا کہ ایم کیو ایم مہنگائی کے خلاف آج کس مصلحت کا شکار ہے۔
اس سے قبل جی ڈی اے کی رکن قومی اسمبلی سائرہ بانو نے قومی اسمبلی میں وزیر خزانہ اسحاق ڈار کی تقریر کو مضحکہ خیز قرار دیا تھا۔
