پاکستان شوبز انڈسٹری کی معروف اداکارہ سجل علی نے عید پر اپنے چاہنے والوں کو انوکھے انداز میں مبارکباد پیش کی ہے۔
معروف اداکارہ سجل علی نے انسٹاگرام پر عید کی مناسبت سے ایک ویڈیو شیئر کی، جس پر ان کے مداحوں کی جانب سے کمنٹس کا سلسلہ جاری ہے۔
اداکارہ کی جانب سے شیئر کی گئی ویڈیو میں انہوں نے سیاہ پشواس زیب تن کی ہوئی ہے، ویڈیو میں بالی وڈ فلم ‘فانا’ کا گیت ‘دیکھو ناں ‘ لگایا ہوا ہے۔
شیئر کی گئی پوسٹ کے کیپشن میں سجل نے ‘عید مبارک’ لکھا اور اپنے چاہنے والوں کو عید کی خوشیوں میں شامل کیا۔
اس سے قبل اداکارہ نے حال ہی میں فوٹو اینڈ شیئرنگ ایپ انسٹاگرام پر ایک پوسٹ شیئر کی تھی جس میں انہیں ایک نئے لُک میں دیکھا جا سکتا ہے۔
پوسٹ میں اداکارہ نے مشہور زمانہ انار کلی کا لک اپنایا جو ہندوستان کے شہنشاہ اکبر کے شاہی محلات کی ایک حسینہ تھیں جس پر ان کے چاہنے والوں کی جانب سے تعریفی کمنٹس کا سلسلہ جاری ہے۔
اداکارہ کی جانب سے شیئر کی گئی تصاویر کو ان کے مداحوں کی جانب سے خوب پذیرائی مل رہی ہے، جبکہ کمنٹ سیکشن بھی تعریفوں سے بھرچکا ہے۔
