شوبز انڈسٹری کی معروف اداکارہ سجل علی کی مبہم پوسٹ سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام اسٹوری میں اداکارہ سجل علی نے لکھا کہ جانے والے کو مت روکیں، انہوں نے مت روکیں کو انتہائی بڑے الفاظ میں واضح کرکے لکھا۔
اداکارہ نے لکھا کہ جانے والے کو مت روکیں، انہیں راستہ دیں، ہو سکے تو دھکا بھی دیں اور لات بھی ماردیں۔
اداکارہ کی جانب سے کی گئی مبہم پوسٹ پر لوگوں نے تبصرے کیے اور ان کی انسٹاگرام اسٹوری کو ان کی ذاتی زندگی سے جوڑ ہے ہیں اور ان پر تنقید بھی کررہے ہیں۔
View this post on Instagram
سجل علی کی وائرل ہونے والی انسٹاگرام اسٹوری پر سوشل میڈیا صارفین نے قدرے سخت کمنٹس کرتے ہوئے سجل علی کو تنقید کا نشانہ بنایا۔
جہاں زیادہ تر صارفین نے ان کی بات پر ناراضگی کا اظہار کرتے ہوئے ان کے خلاف کمنٹس کیے، وہیں کچھ صارفین نے ان سے اتفاق بھی کیا اور لکھا کہ اداکارہ نے درست لکھا ہے۔
ان سے اتفاق کرنے والے افراد نے لکھا کہ جو شخص قدر نہ کرے، اسے جانے دیا جائے، اسے لات مارنے سمیت دھکا بھی دیا جانا چاہئیے۔
View this post on Instagram
اگرچہ سجل علی اور احد رضا میر کے درمیان طلاق کی متعدد شوبز شخصیات مبہم انداز میں تصدیق کر چکی ہیں لیکن دونوں نے خود اس حوالے سے کوئی تردید یا تصدیق نہیں کی۔
یاد رہے کہ مارچ 2020 میں سجل علی نے اداکار احد رضا میر سے شادی کی تھی، ان کی جوڑی کو اسکرین سمیت حقیقی زندگی میں بھی بہت پسند کیا جاتا تھا۔