ابوظہبی: پاکستانی فلم انڈسٹری کی معروف اداکار جوڑی سجل علی اور احد رضا میر رشتہ ازدواج میں منسلک ہوگئے۔
احد رضا میر اور سجل کے نکاح کی تقریب آج دوپہر ہوئی جس کے بعد اداکارہ نے سماجی رابطے کی ویب سائٹ پر اپنا نام بھی تبدیل کرلیا۔
اداکار جوڑی کے نکاح کی ویڈیو بھی سماجی رابطے کی ویب سائٹ پر شیئر ہوئی جس میں دیکھا جاسکتا ہے کہ نکاح خواں نے احد رضا میر کو احمد رضا میر مخاطب کر کے پوچھا کہ آپ کو سجل علی قبول ہیں۔
ویڈیو میں دیکھا جاسکتا ہے کہ نکاح خواں نے جب دوسری بار پوچھا تو دلہا سمیت وہاں موجود تمام لوگ ہنسنے لگے اور اسی دوران کسی رشتے دار نے بولا کہ آپ نے پہلے بھی احمد ہی بولا تھا۔
Gulzar ne pehle bola tha maulvi badal lo 😂@ahadrazamir @Iamsajalali pic.twitter.com/8debGNG8NN
— Galaxy Lollywood (@galaxylollywood) March 14, 2020
رپورٹ کے مطابق احد رضا نے اپنے نکاح کے بعد مہمانوں میں چھواروں کی جگہ چاکلیٹس تقسیم کیں جن کے کاغذ پر سجل اور احد کے نام سے ساتھ شادی مبارک کے الفاظ تحریر تھے۔
علاوہ ازیں اداکارہ جوڑی کی دیگر تصاویر بھی سوشل میڈیا پر وائرل ہوئیں جبکہ SaHadkiShaadi# ہیش ٹیگ بھی ٹرینڈ کررہا ہے۔
یاد رہے کہ احد رضا میر اور سجل علی کی منگنی گزشتہ سال جولائی میں ہوئی تھی، دونوں کی شادی کی تقریبات کا آغاز گزشتہ ہفتے ہوا تھا۔
سجل اور احد اب تک کئی ڈراموں میں کام کرچکے ہیں، جن میں سے کچھ میں وہ ایک ساتھ بھی جلوہ گر ہوچکے ہیں۔ سجل علی نے کئی فلموں میں بھی کام کیا ہے جس میں بالی ووڈ فلم ’مام‘ بھی شامل ہے، اس فلم میں سجل نے آنجہانی اداکارہ سری دیوی کی بیٹی کا کردار ادا کیا تھا۔
