The news is by your side.

Advertisement

ساجد خان نے لیجنڈ کرکٹر کا ریکارڈ برابر کردیا

ڈھاکا: ایک اننگز میں 8 وکٹیں، ساجد خان نے اہم اعزاز اپنے نام کرلیا۔

ڈھاکا کی بے جان ٹیسٹ میں جان ڈالنے والے ساجد خان نے اپنی عمدہ بولنگ کے زریعے میچ کا نقشہ تبدیل کردیا ہے۔

پاکستان اور بنگلادیش کے درمیان کھیلے جارہے دوسرے ٹیسٹ کے آخری روز بنگلا دیش اپنی پہلی اننگز میں 87 رنز پر آل آؤٹ ہوئی، جس کا سہرا آف اسپنر ساجد خان کو جاتا ہے جنہوں نے بنگال ٹائیگرز کی 8 وکٹیں حاصل کیں۔

اسی کے ساتھ وہ ثقلین مشتاق کے بعد یہ اعزاز حاصل کرنے والے پاکستان کے دوسرے آف اسپنر بن گئے ہیں۔

یہ بھی پڑھیں: گھومتی گیندوں سے بلے بازوں کو چکرانے والے ساجد خان کی وکٹیں

اس سےقبل لیگ اسپنر عبدالقادر نے 1987 میں انگلینڈ کے خلاف 56 رنز دیکر 9 وکٹیں جب کہ سرفراز نواز نے 1979 میں آسٹریلیا کے خلاف 86 رنز دیکر 9 کھلاڑیوں کو آؤٹ کیا تھا۔

بنگلا دیش کو میچ کے آخری روز دو محاذوں کو سرکرنا ہوگا، پہلا یہ کہ اننگز شکست سے بچنے کے لئے درکار 119 رنز بنانے ہونگے دوم یہ کہ سیریز کو وائٹ واش سے بچانے کے لئے پورا دن کھیلنا ہوگا۔

بنگلادیش فالوآن کے بعد 4 وکٹوں کے نقصان پر 96 رنز بناچکی ہے۔

Comments

یہ بھی پڑھیں