The news is by your side.

Advertisement

ملازم کو 286ماہ کی تنخواہ یکمشت مل گئی، نوکری چھوڑ کرفرار

امریکہ کے جنوبی ملک چلی میں ایک کمپنی کا ملازم تنخواہ لے کر وہاں سے فوری طور پر فرار ہوگیا، کیونکہ اس کو کمپنی کی جانب سے 286 ماہ کی تنخواہ ایک ساتھ ادا کردی گئی تھی۔

تفصیلات کے مطابق گزشتہ ماہ کمپنی کی جانب سے ملازم کے اکاؤنٹ میں غلطی سے286 مرتبہ تنخواہ بھیج دی گئی، جس کا ملازم نے فوری فائدہ اٹھایا اضافی تنخواہ واپس کرنے کا وعدہ کرکے استعفیٰ دے کر غائب ہوگیا۔

چلی کے سب سے بڑے کولڈ کٹس کنسورشیو انڈسٹریل ڈی الیمینٹوز (سی آئی اے ایل) کے ہیومن ریسورسز ڈپارٹمنٹ کا ایک ملازم جو اس غلطی کا ذمہ دار ہے اب اس معاملے پر پریشانی کا شکار ہوگیا۔

بتایا جاتا ہے کہ حادثاتی طور پر اس شخص کو گزشتہ ماہ تنخواہ کی مد میں ایک لاکھ 80 ہزار امریکی ڈالرز کے مساوی رقم چلی کی کرنسی "پیسو” کی شکل میں ادا کی گئی جبکہ اس کی تنخواہ 542 امریکی ڈالر کے مساوی تھی۔

مذکورہ بالا خطیر رقم اس کی تنخواہ سے 286 گنا زیادہ ہے اور اب یہ رقم مذکورہ بالا شخص واپس نہیں کرنا چاہتا اور نوکری چھوڑ کر غائب ہوگیا ہے جبکہ اس کا کوئی سراغ بھی نہیں مل رہا۔

Comments

یہ بھی پڑھیں