دبئی : گلوبل ایجوکیشن اینڈ اسکل فورم کی جانب سے پاکستانی ٹیچر دس لاکھ ڈالر کے انعام کیلئےنامزد ہوگئیں۔
دبئی کے گلوبل ایجوکیشن اینڈ اسکل فورم میں سلیمہ بیگم کو نامزد کیا گیا، وارکیو فاونڈیشن نے دنیا بھر سے بیس ہزار ٹیچزر کو چناگیا، ان اساتذہ میں گلگت کی ٹیچر سلیمہ بیگم بھی شامل ہیں، سلیمہ بیگم کو دس لاکھ ڈالر کے ایوارڈ نامزد کیا گیا ہے جبکہ دیگر خواتین کا تعلق جمیکا، سپین، برطانیہ، جرمنی، کینیڈا، برازیل، آسٹریلیا، کینیا اور چین سے ہے۔
وار کیو فاونڈیشن کے مطابق حتمی مر حلے میں صرف دس ٹیچرز پہنچی ہیں، ان میں سلیمہ بیگم بھی شامل ہیں، جو اساتذہ تعلیم کے سلسلے میں غیر معمولی کارکردگی کا مظاہرہ کرتے ہیں یہ ایوارڈ ان کی اس محنت کو سراہنے کا ایک ذریعہ ہے۔
سلیمہ بیگم کا تعلق گلگت کے مضافاتی گاؤں اوشکھنداس سے ہیں، پاکستانی ٹیچر نے ایلمنٹر ی کالج ویمن گلگت میں پاکستان بھرسے پندرہ ہزار خواتین کو تربیت دی، سلیمہ بیگم کا کہنا ہے کہ اگر انعام جیتا تو پاکستان میں لڑ کیوں کی تعلیم کو فروغ دونگی۔
سلیمہ بیگم 1992 سے محکمہ تعلیم گلگت میں بحیثیت مدرس پیشہ وارانہ زمہ داریاں سرانجام دینے کے ساتھ آج کل ٹیچر ایجوکیشن میں پی ایچ ڈی کررہی ہیں، اس سے قبل انہوں نے انسٹیٹیوٹ آف ایجوکیشن میں ایم ایس لندن سے کیا ہے۔
مزید پڑھیں : گلوبل ٹیچرایوارڈ کے لیے پاکستانی ٹیچرسب سے مضبوط امیدوار
گلوبل ٹیچرزپرائز 2016 کے لئے جن اساتذہ کا انتخاب کیا گیا ہے ان میں پاکستان میں خواتین کی تعلیم کے لیے کوشاں ’عقیلہ آصفی‘ بھی شامل ہیں، ایوارڈ کی تقریب کل ہوگی، جس میں شیخ محمد بن راشد المکتوم بھی شرکت کریں گے۔
دوسری جانب برطانوی شہزادہ ہیری نے پاکستان کی تمام خواتین اور سلیمہ بیگم کو زبردست خراج تحسین پیش کرتے ہوئے مبارکباد دی ہے۔
واضح رہے کہ گزشتہ سال دنیا بھرمیں پاکستان کا نام روشن کرنے والے گلوکارعلی ظفر کو اس ایک ملین ڈالر کے گلوبل ٹیچر پرائزکی ججنگ اکیڈمی میں شامل کیا گیا تھا۔
